Прво гаранција за членство во ЕУ, а потоа одложување на изборите

Кратко откако стивнаа најавите дека најавените априлски парламентарни избори би можеле да бидат одложени поради ратификацијата на протоколот за членство на земјава во НАТО, сега се појави нова иницијатива за нивно ново одложување, а овој пат во име на реформските процеси.

Имено, Советот на амбасадори во Македонија, кој инаку претставува здружение во кое членуваат поранешни македонски дипломати, меѓу кои и силни поддржувачи на политиките на актуелната власт, порача дека терминот за претстојните избори треба да се промени затоа што ги загрозува реформите што ги бара ЕУ во пресрет на мајскиот самит на Унијата, што треба да се одржи во Загреб следната година.

„Наместо да одржуваат предизборни митинзи и изборни активности, политичките партии, Владата и другите институции, би се фокусирале на исполнување на евроинтеграциската агенда на земјата и на неопходните реформи во изборната регулатива, согласно препораките на ОБСЕ-ОДИХР и барањата на малите партии и на граѓаните. Овој вистински чекор, секако, ќе биде поздравен особено од деловните луѓе кои ќе се насочат кон исполнување на зацртаните бизнис-планови за идната година“, наведено е во соопштението од Советот на амбасадори.

Прочитајте и...  Руската помош за Италија не е квалитетна?

Во опозицијата ваквите барања се толкуваат како обид на власта да го избегне изборното соочување поради страв од пораз.

Лидерот на ВМРО-ДПМНЕ, Христијан Мицкоски, вели дека ова е обид да се продолжи политичката кариера и владеењето на премиерот Заев.

– Ја гледам паниката што владее кај власта. Па пуштаат разноразни совети на амбасадори, па пуштаат разноразни претседатели на стопански комори да бараат одложување на избори. Сè со цел да биде продолжена политичката кариера на Зоран Заев. Но, тој знае дека следува одговорност по поразот на 12 април следната година – истакна Мицкоски.

Политичкиот аналитичар Петар Арсовски вели дека клучната варијабла за одложување на изборите, би била членството на земјава во НАТО.

– Ако Шпанија не успее да го ратификува протоколот, тогаш има логика да се зборува за одложување на изборите. Важно е да се заврши работата со НАТО, а дури потоа да се мисли на парламентарните избори. Во секој случај, датумот за изборите е помалку важен од тоа самите партии да се усогласат дека тогаш е фер момент за натпревар. Ако се менува договорениот датум за избори, тогаш треба и опозицијата да се согласи со тоа. Датумот мора да биде таков што нема да му дава предност никому. Ако, пак, датумот за изборите не се менува заради членството во НАТО, туку поради реформите што ги бара ЕУ од нас, тогаш ние ќе треба да добиеме потврда дека Унијата во мај ќе донесе сериозна одлука во поглед на нашата европска иднина. Нема логика да ги одложиме изборите во април ако во мај не добиеме датум за членство во ЕУ. Во ред е да ги одложиме ако претходно добиеме некаква гаранција, но сè друго би било нелогично – објаснува Арсовски.

Прочитајте и...  КОРОНАВИРУС: Во еквадорски град лешеви лежат по улиците

И аналитичарот Синиша Пекевски не гледа причина за одложување на изборите во април.

– Никој не може да биде сигурен дека ЕУ ќе донесе позитивна одлука за Македонија на мајскиот самит во Загреб следната година, па затоа не гледам зошто ние би ги одложувале изборите – вели Пекевски.
Предвремените избори, закажани за 12 април, беа договорени на средбата на партиските лидери во организација на претседателот Стево Пендаровски, откако на Самиот на ЕУ во октомври не се донесе одлука за доделување датум за преговори за Македонија.

Цветанова: Дајте му доживотен мандат на Заев

Поранешната министерка за култура од редовите на ВМРО-ДПМНЕ, Ганка Цветанова, подбивно реагираше на барањето на Советот на амбасадори да се одложат априлските избори.

Прочитајте и...  Во домовите за стари лица во Шпанија владее вистински пекол

– Во следното соопштение на Советот на амбасадори, очекувам да видам два предлога. Едниот е да му се даде доживотен мандат на другарот Зоран Заев, а вториот е да му се продолжи премиерскиот мандат сè до моментот на престанок на официјалното постоење на нашата земја – рече Цветанова.

Прочитај повеќе

Втор викенд со полициски час, празни улици низ Скопје (ВИДЕО)

Слободен печат

Филипче: Располагаме со 4.500 тестови, очекуваме донација од 20.000 китови за тестирање

Слободен печат

Бојаџиев: Инфективното одделение и дежурниот лекар ги запазиле процедурите за коронавирус кај 78-годишниот велешанец

Слободен печат

Спасовски: Ова е и повик до сите наши граѓани – Како никогаш досега е потребна помошта од нас за сите здравствени работници

Слободен печат

Руската помош за Италија не е квалитетна?

Корона криза во доба на роботи: „Каде тргнавте госпоѓо? Лична карта, ве молам!”

Слободен печат

Остави Коментар

Прочитај повеќе

Унгарија подготвува 27 милијарди евра за живнување на економијата

Слободен печат

Во Швајцарија од Ковид-19 починаа 540 лица, во Холандија бројката се искачи на 1.651

Бојана Нојиќ

Внуката на сенаторот Роберт Кенеди и нејзиниот син исчезнаа во водите на Заливот Чесапик

Бојана Нојиќ

Бремената свршеница на Борис Џонсон имала симптоми на Ковид-19

Слободен печат

Охриѓанката Нацева донира маски, ракавици и дезинфекциски средства за полицајците

Слободен печат

Погледнете како изгледа пазарот во Неапол среде пандемија на коронавирус (ФОТО)

Слободен печат