Првите луѓе на најголемите технолошки компании Фејсбук, Епл, Амазон и Гугл денеска ќе присуствуваат на сослушување пред американските конгресмени, кои ќе се обидат да ја утврдат нивната пазарна моќ.

Четворицата водечки менаџери на овие гиганти ќе одговорат на прашањата на конгресмените преку видео-врска за нивниот бизнис, монопол и нелојална конкуренција.

Така, основачот на Фејсбук, Марк Цукерберг, ќе мора да се правда поради фактот дека со преземањето на Инстаграм и Ватсап неговиот Фејсбук стана предоминантен во областа на социјалните мрежи.

Шефот на Епл, Тим Кук, ќе мора да разјасни зошто Епл мора да добива од 15 до 30 отсто од секоја продажба на нови апликации за мобилните телефони Ајфон, главниот оперативен директор на Гугл, Сундар Пичаи, да го објасни монополот на неговата компанија во областа на интернет-пребарувањата, а сопственикот на Амазон, Џеф Безос за подрачјето на интернет продажбата.