ВИДЕО | Првиот трејлер за документарецот за Хари и Меган: Никој не гледа што се случува зад затворени врати
Филмската платформа Нетфликс конечно го објави првиот трејлер за долгонајавуваниот документарец за принцот Хари и неговата сопруга Меган Маркл.
Трејлерот започнува со прашањето: „Зошто сакаше да го направиш овој документарец?“, по што следуваат неколку црно-бели фотографии од приватниот албум на познатата двојка, пред Хари да одговори: „Никој не гледа што се случува зад затворени врати“.
Од едноминутниот трејлер, добиваме впечаток дека Меган Маркл не била среќна во британското кралско семејство.
„Направив сѐ што можев за да го заштитам сопственото семејство“, вели принцот Хари.
На крајот Меган вели: „Кога влогот е толку голем, нели е подобро да ја слушнете нашата приказна од нас лично?“.
Нетфликс сѐ уште го нема соопштено точниот датум на премиерата на „Harry & Meghan“, документарецот за кој се очекува дека ќе открие голем број детали за љубовната приказна на принцот Хари и Меган Маркл, но и за нивниот однос со британското кралско семејство.
