Првиот случај на африканска свинска чума е пријавен во Словенија

Дива свиња / Фото: Архива

Во неделата ловците пронајдоа мртва дива свиња во областа на општина Рибница на Марибор, Словенија, за што беше известена Управата за безбедност на храна, ветеринарство и заштита на растенијата поради сомневање дека се работи за африканска свинска чума, пренесува РТС.

На почетокот на оваа година, Словенија прогласи висок степен на загрозеност од таа болест со Законот за мерки за сузбивање на африканската свинска треска, забранувајќи, меѓу другото, прием или транспорт на диви свињи на други локации.

Во почетокот на август оваа година, Европската агенција за безбедност на храна (ЕФСА) започна кампања во 18 европски земји за борба против ширењето на африканската свинска чума, која е веќе присутна во неколку земји.

Кампањата е особено наменета за одгледувачи на свињи и оние кои се во контакт со домашни и диви животни.

Кампањата се одржува во Словенија, Албанија, Босна и Херцеговина, Црна Гора, Грција, Хрватска, Северна Македонија, Србија, Бугарија, Чешка, Естонија, Летонија, Литванија, Унгарија, Полска, Романија и Словачка.

Извор: РТС

Видео на денот