Првиот обвинет за воени злосторства во Косово ќе застане пред судот во Хаг во септември

На првиот осомничен, кој е обвинет за воени злосторства во Косово, ќе му се суди во Хаг во септември, објави холандскиот весник „Недерланд Тајмс”.

Процесот против поранешниот командант на Ослободителната војска на Косово (ОВК) Салих Мустафа ќе започне на 15 септември во Меѓународниот суд во Хаг, а првите сведоци ќе бидат сослушани пет дена подоцна.

Мустафа бил клучен командант на ОВК за време на војната во Косово во периодот 1998-1999 година. Тој е осомничен за извршени воени злосторства, вклучувајќи самоволно притворање, малтретирање, тортура и убиство на затвореници. Мустафа се изјасни за невин по сите точки од обвинението.

Тој е првиот осомничен кој ќе се појави пред Хашкиот трибунал. Мустафа беше уапсен минатиот септември и екстрадиран во Холандија, заедно со поранешниот косовски претседател Хашим Тачи, кој најави оставка од функцијата шеф на државата непосредно пред апсењето. Тачи е осомничен за убиство на стотици луѓе, мачење и други злосторства. Тој беше испрашуван од судот во 2020 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот