Првиот голман на Ајакс суспендиран на една година поради допинг!
Холандија деновиве ја тресе фудбалски скандал, дисциплинската комисија на Европската куќа на фудбалот го суспендираше 24-годишниот голман на Ајакс, Андре Онана.
На овој чувар на мрежата му е забрането да игра фудбал една година, а како причина за суспензијата на Камерунецот се наведува допинг. Со оваа одлука, водечкиот во најсилната холандска лига се наоѓа во голем проблем.
Како што понатаму се наведува, за време на рутинскиот преглед – примерок од урина, во телото на Онанa е откриено присуство на забранета супстанца фуросемид, што подразбира автоматска забрана за играње.
Казната се однесува не само на официјалните натпревари на клубот, туку и на репрезентацијата, а во следните 12 месеци на Онана ќе му биде забрането и да тренира.
Во обид да застане во одбрана на Онана, Ајакс изјави дека неговиот голман не се чувствувал добро на 30 октомври и дека сакаше да го реши проблемот со земање на апчиња. Несвесно, додаде Холанѓанецот, пиел ласимак, лек кој бил препишан за сопругата на Андре, а во кој имало фуросемид.
УЕФА е немилосрдна, велејќи дека спортистот е должен постојано да води сметка за недозволените супстанции да не завршат во неговиот организам.