Првиот човек на Наполи, Де Лаурентис е позитивен на коронавирус
Аурелио де Лаурентис е позитивен на коронавирус, потврди италијанскиот тим со што се зголеми паниката во Серија А.
Челниците на екипите во Серија А се во паника бидејќи вчера беше одржан состанок во пресрет на стартот на новата сезона, а веднаш по средбата се појави информација дека еден од сопствениците или директорите на екипите е позитивен на коронавирус.
Денеска е потврден идентитетот на лицето кое е позитивно на ковид-19, тоа е челникот на Наполи, Аурелио де Лаурентис.
„Наполи објавува дека Аурелио дe Лаурентис е позитивен на Ковид-19 по тестирањата направени во текот на вчерашниот ден“, стои во сооштението на Наполи.
Napoli chairman Aurelio De Laurentiis has tested positive for coronavirus
Get well soon ? pic.twitter.com/ZoerGX4NVE
— Goal (@goal) September 10, 2020
Сега покрај Де Лаурентис во карантин и самоизолација ќе мора да одат и останатите челниците на екипите од Серија А, барем додека не пристигнат нивните резултати од тестовите, а италијанските медиуми објавија дека првиот човек на Наполи несериозно се однесувал на состанокот.
Додека зборувал со своите колеги, маската не била прописно носена, додека симптомите кои ги имал неколку дена, Де Лаурентис ги припишал на алергиска реакција поради морска храна.
Новата сезона во Серија А треба да започне на 19. септември.
