Иран би можел да има нуклеарно оружје за една до две години доколку земјата продолжи да не го почитува нуклеарниот договор од 2015 година, изјави денеска францускиот министер за надворешни работи Жан-Ив ле Дриан.

– Ако продолжат со кршење на Виенскиот договор, тогаш во многу краток рок, меѓу една и две години, би можеле да имаат пристап до нуклеарно оружје, што не е прифатлива опција – истакна Ле Дриан.

Министрите за надворешни работи на ЕУ ќе одржат денеска итен состанок, на кој ќе бараат начин да се прекине судирот меѓу САД и Иран.

Погрешната проценка на која било страна би можела да доведе Брисел да се соочи со војна и сериозна нуклеарна криза на својот праг.