Првиот број од стрипот Супермен, кој е објавен во јуни 1938 година и кој чинел 10 центи е продаден за 3,25 милиони долари, што е највисоката сума некогаш платена за еден стрип.

Супермен е испечатен во повеќе стотици илјади примероци, а се смета дека до денес се сочувани околу 100 примероци од овој прв број.

„Примерокот кој е продаден своевремено е пронајден меѓу мноштвото филмски магазини од триесеттите години од минатиот век и беше совршено сочуван“, изјави ко-сопственикот на австрискиот сајт „ComicConnect.com“, Винсент Зурзоло, пренесува Би-Би-Си.

 

View this post on Instagram

 

A post shared by Blue Chip Comics (@thebluechipcomic)

Продавачот на стрипот заработил милион долари, бидејќи пред три години го купил за 2,25 милиони.

Највисоката цена за еден стрип досега е постигната во 2014 година, кога исто така првиот број на Супермен бил продаден на „eBay“ за 3,2 милиони долари.