Први снимки од напуштената американска воена база во Сирија (ВИДЕО)
Американската воена беза на север во Сирија, која се наоѓа на неколку километри од турската граница, во потполност е напуштена, може да се види на снимките кои ги објави агенцијата „Рипли“.
Курдските борци кои се оставени сами да го надгледуваат празниот објект и очекуваат офанзива од Турција.
Снимката покажува што останало од базата на САД во Тел Аграм, а „Раша Тудеј“ пишува дека сега таа изгледа како „град на духовите“.
Сите американски трупи го напуштија местото каде до неодамна се одвиваа воени конфликти, а Курдите сега се препуштени сами на себе.
Белата куќа во неделата неочекувано соопшти дека ги повлекува американските сили од Сирија, додека Турција распоредуваше свои сили на границата со Сирија.
САД им беа поддршка на Курдите, кои ги сметаат за свои сојузници во борбата против Исламската држава, додека официјална Анкара ги обвинува курдските сили за поврзаност со терористички групи во Турција.