Први фотографии од Марс од кинеската сонда, која на 10 февруари треба да слета на „црвената планета“
Кинеската вселенска сонда Tianwen-1, која се движи кон Марс, ја испрати првата снимка од црвената планета, објави Кинеската национална вселенска агенција.
Сондата е лансирана во јули минатата година, а на Марс би требало да стигне на 10 февруари.
Како што наведува кинеската вселенска агенција, првата фотографија е снимена од 2,2 милиони километри од Марс и ги покажува кањоните во близина на екваторот на Марс – Valles Marineris, потоа големиот кратер Schiaparelli и долината Acidalia Planitia.
Сондата треба да ја анализира атмосферата, површината и со фотографирање да помогне во картографирање на Марс.
Кина со овој прв независен обид на истражување на Марс се надева дека ќе успее да постави сонда во орбитата, да се спушти на планетата и конечно да ја истражи со ровер.
Мисијата е наречена Tianwen-1 во чест на древниот кинески поет кој зборувал за астрономијата.
China’s #Tianwen1 spacecraft snapped its first image of #Mars at a distance of 2.2 mln km of the red planet! The probe has flown for 197 days & 465+ mln km on its journey and is now about 1.1 mln km from Mars. Tianwen-1 probe will enter orbit in less than a week. pic.twitter.com/RrYIWjfwiA
— Ambassador Deng Xijun (@China2ASEAN) February 6, 2021