Како што одобрија од Холандската фудбалска федерација на фудбалерките ќе им биде дозволено да играат против фудбалерите.

Секако тоа е видено досега на хуманитарни натпревари или од друг карактер, но не и на официјални мечеви.

Младата Елен Фокема (19) ќе биде првата фудбалерка која ќе игра во машки фудбалски клуб, поточно во четвртолигашот ВВ Фоарут.

VV Foarut's Ellen Fokkema becomes first woman to play in men's top amateur team. KNVB will use this as pilot to see if mixed gender amateur teams are viable. https://t.co/EC9QxO750N pic.twitter.com/WONFeWk7cF

— r_eredivisie (@REredivisie) August 4, 2020

Доколку биде успешен ваквиот проект, можно е во иднина нејзините чекори да ги следат и другите фудбалерки.

– КНВБ е пример за различност и еднаквост. Веруваме дека треба да има место за секого во сите делови на фудбалот. Во овој случај, тоа е убав спортски предизвик што не сакаме да го блокираме. Затоа се решивме на овој експеримент. Искуството со овој предизвик ќе ни каже дали е можно да се постигне тоа, и врз основа на тоа, ние ќе доставиме барање за промена на правилата – се вели во соопштението на Холандската фудбалска федерација.

– Федерацијата секогаш ме советуваше да играм со мажи што е можно подолго, па зошто не би било можно тоа? Тоа е голем предизвик, но тоа само додатно ме возбудува. Не можам да ви кажам како ќе помине, но многу сум среќна што можам да учествувам во овој експеримент – рече младата фудбалерка која ќе го „скрши мразот“.