Првата транснационална жичница на светот ќе ги поврзува Русија и Кина
Кина и Русија се земјите кои ќе ги поврзува првата транаснационална жичница во светот и тоа преку реката Амур, пренесуваат тамошните медиуми.
Патниците ќе може да патуваат меѓу градовите Хаихе во Кина и Благовешченск во Русија за помалку од осум минути.
Терминалната станица „Благовешченск“ во Русија била дизајнирана од холандското архитектонско студио „УН студио“, а таа ќе биде на четири ката и ќе содржи платформа за набљудување со поглед преку Амур кон Хаихе.
Архитектот што ќе ја дизајнира станицата во Хаихе допрва треба да биде објавен. Кабините ќе превезуваат до 60 патници и багаж, а тие ќе поаѓаат на секои 15 минути.
– Бидејќи ја преминува природната граница на реката Амур, жичницата Благовешченск – Хаихе ќе биде првата што ќе поврзува две држави и нивните култури – рече Бен ван Беркел, основач и главен архитект на „УН студио“.
Проектот, под раководство на руската компанија за урбанистичко планирање и консултантски услуги „Стрелка КБ“, е веќе во тек.