Прва титула за Мареј по операцијата (ВИДЕО) – Слободен печат
ОстанатoСпорт

Прва титула за Мареј по операцијата (ВИДЕО)

Енди Мареј не успеа да ги задржи солзите по освојувањето на финалето на турнирот во Антверпен, Белгија.

Во неделата британскиот тенисер во решавачкиот меч за титулата успеа да го совлада Станислас Вавринка од Швајцарија со резултат 2:1 по сетови 3:6, 6:4 и 6:4.

Овој трофеј беше прв за Мареј после операцијата на колкот.

– Многу ми значи оваа титула. Во последните неколку години беше многу тешко. Со Стен еден подолг период имавме многу повреди. Многу е убаво повторно да се сретнеме во финале. Тоа беше извонреден меч. Не го очекував ова, затоа сум многу, многу среќен – рече Мареј.

Поради хронична повреда на колкот, Британецот планираше да ја прекине кариерата.

После овој освоен турнир, на денешната најнова објавена АТП ранг листа, Шкотот скокна за дури 116 позиции и моментно е на 127 место со 442 поени.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close