Работнички ја оправда фаворитската улога во рамките од 21 коло во Првата македонска фудбалска лига откако со 4:0 го совлада Скопје.

„Романтичарите“ на стадионот во Велес до победата беа предводени од Велкоски кој реализираше хет-трик, со голови во 11, 52 и 68 минута. Конечниот епилог го постави Гандо Биала во 90 минута.

На теренот во Кичево немаше победникот на дуелот меѓу Шкупи и Академија Пандев (3:3).

Стрелци за актуелниот шампион од Чаир беа Цефас (12`), Данфа (37`) и Хамиди (45+4`). На спротивната страна за „пандевци“ погодоци запишаа Крстевски, Руфати и Трајков.

На табелата Шкупи останува на второто место со 38 бодови, еден помалку од Струга Трим Лум на врвот.

Академија Пандев е на деветтото место со 16 бодови, Работнички на седмото со 24, додека Скопје е на последното 11 место со 13 бодови.