Прва лига: Пелистер пресилен за Работнички, прва победа во сезоната за битолчани
Кошаркарите на Пелистер во вториот меч во новата сезона дојдоа до првата победа во сезоната откако на домашен терен го совладаа Работнички со убедливи 92:76.
Од почетокот на натпреварот битолскиот клуб покажа дека нема намера да „киксне“ и после неколку минути игра имаа 10:2, со што се најавуваше крајниот исход. Успеа Работнички сепак да дојде до 15:15, меѓутоа тоа беше се од нив затоа што следуваше серија на Пелистер од 24:10 со што веќе домаќинот имаше предност од 39:25.
Во третиот период Работничќки дојде до 61:67, меѓутоа тука одново Пелистер додаде гас па со нова серија овој пат 20:5 стигнаа до највисоката предност од 21 поен (87:66) со што беа решени сите дилеми околу победникот.
Хаџифејзофиќ беше најефикасниот со 29 поени и 10 скока, Донтајт Карутер додаде 24, додека кај Работнички Ерик Крафорд уфрли 23 поени.