Прва лига: Пелистер по шокот од Чаир им се врати на победите
Со победа против Еуро Никел 2005 (92:74) во дербито на 18 коло, со која држи приклучок со лидерот.
Брзо „заборавија“ на киксот кој го направија во изминатото коло кошаркарите на Пелистер (пораз од дебитантот Чаир 2030 во Скопје). На вистински начин, со сигурна победа против сосема солидниот состав на Еуро Никел 2005 пред своите гледачи во салата „Боро Чурлевски“.
Впрочем, дербито во Битола во кое се сретнаа екипите на Пелистер и на Еуро Никел 2005, ја заокружи викенд-програмата од 18 коло, во кое останува да се доигра уште еден натпревар. Оној на 21 март (вторник) во салата „Шабан Трстена“, каде Чаир 2030 го дочекува актуелниот шампион – МЗТ Скопје Аеродром.
По 18 одиграни мечеви, Пелистер има скор (14-4), додека пак Еуро Никел 2005 сега е на (11-7).
Во натпреварот кој се одигра претходно Гостивар лесно ја оправда фаворитската улога и славеше убедливо против Куманово со 86:64.