Кошаркарите на Пелистер вторпат сезонава беа подобри од Работнички. Во последниот натпревар од 13. коло битолскиот клуб славеше победа од 79:88.

Пелистер беше без повредените Стајиќ и Хаџифејзовиќ, но сепак славеа во второто дерби оваа година, по победата против Гостивар пред две недели. Предводени во денешниот натпревар пелистерци беа од одличниот Кени Карпентер.

По добриот старт Пелистер му дозволи на Работнички да се врати во финишот и домаќинот на полувреме замина со негатива од само четири поени (42:46).

Второто полувреме започна ефикасно, двете екипи погодуваа се играше „кош за кош“. Пелистер го покажа квалитетот кога беше најмногу потребно во финишот и на кјрајот славеше заслужена победа од 79:88.

Карпентер постигна 30 поени, дури 20 од нив беа само во првото полувреме. Во редовите на Работнички Малешевиќ постигна 20 поени.