Освојувачите на трофеите во ланската 2022, ја имаа честа да ја отворат прволигашката кошаркарска 2023 година. МЗТ Скопје Аеродром беше подобар (91:81) од ТФТ во второто полувреме доволно за победа, прва за новиот тренер Драган Николиќ како предводник на популарните „металци“.

Миќовиќ за МЗТ го заврши натпреварот со висок дабл-дабл учинок, со реализација од 34 поени и 17 скокови, за вкупен индекс 41.

Двоен број на поени во домашната екипа имаа и В. Стојановски (14), Д. Стојановски (12), и Кефи 10, доволно за 11 победа во 12 одиграни мечеви во Првата македонска лига.

ТФТ пак имаше цела една петорка со играчи кои се водат како „двоцифрени“. Мекбраер и Ташовски завршија со 16 поени, еден помалку имаше Николов, Андерсон дополни со 12, а Костоски запиша 11.

ПРВА ЛИГА-МАЖИ
РЕЗУЛТАТИ И ДВОЈКИ 12 КОЛО

МЗТ Скопје Аеродром – ТФТ 91:81

19 ЈАНУАРИ (ЧЕТВРТОК):

18.30 часот Пелистер – Гостивар

21 ЈАНУАРИ (САБОТА):

18.00 часот Кожув – Навико Академија ФМП
18.00 часот Еуро Никел 2005 – Струмица 2022
19.00 часот Чаир 2030 – Куманово 2009

22 ЈАНУАРИ (НЕДЕЛА):

20.00 часот Феникс 2010 – Работнички

Табела: МЗТ Скопје Аеродром 23 бодови, ТФТ 19, Пелистер 19, Гостивар 19, Работнички 18, Феникс 2010 17…