Уште еден триумф за играчите на МЗТ Скопје Аеродром во Првата лига, овој пат остварена во вечерашната пресметка на домашен терен против Куманово (86:72) во последниот дуел од шестата рунда.

Клучна за триумфот беше третата четвртина (28:15) во која МЗТ дојде и до „плус 21“ разлика (64:43), предност која искусно ја задржа до самиот крај.

„Сино-белите“ одиграа колку што беше потребно без да се потроши премногу енергија, која и тоа како ќе им биде потребна в недела во дуел од АБА-лигата.

Д. Стојановски беше најпрецизен со 12 поени кај победникот, а на спротивната страна Т. Ален постигна 20 поени.

МЗТ Скопје сега е на учинок 5-1, колку има и Пелистер, додека засега ороводец на прволигашката табела е Гостивар без пораз.

Следниот меч на актуелниот македонски шампион е в недела (27 ноември), а ривал е белградска Мега МИС (21.00 часот) во пресметка од осмото коло од најквалитетното регионално натпреварување.