Прва лига: Една четвртина му беше доволна на Работнички против Куманово
Работнички не запира во Првата македонска кошаркарска лига, ниту Куманово не беше пречка за продолжение на победничката серија (119:83).
Првите 10 минути им припаднаа на гостите стекнувајќи позитива од „плус пет“ (27:22). Но, сè се промени со почетокот на втората, онаа најдобрата за Работнички во која постигна дури 37 поени, прими само 14, за негативата од пет поени да ја претворат во убедлива предност (59:41).
И повторно Форте беше носител на оние офанзивни активности, за три четвртини собра 22 поени, до крајот 26, а имаше и 10 скокови и девет асистенции. Во новото, скромно издание на кумановските „сино-бели“, Ален дојде до 29 поени.
Прва лига – мажи
Резултати, двојки (осмо коло)
Работнички – Куманово 2009 119:83
Гостивар – Чаир 2030 86:68
ТФТ – Феникс 2010 74:79
4 декември (недела) –
18.00 часот Навико Академија ФМП – Струмица 2022
5 декември (понеделник) –
18.30 часот Пелистер – Кожув
6 декември (вторник) –
18.00 часот МЗТ Скопје Аеродром – Еуро Никел 2005
Табела: Гостивар 15 бодови, МЗТ Скопје Аеродром 13, Пелистер 13, Феникс 2010 13, ТФТ 12, Работнички 12, Еуро Никел 11, Кожув 10…
