Прв РУСКИ РОБОТ со големина на човек: ФЕДОР одлета во вселената (ВИДЕО)
Русија лансираше ракета која на Меѓународната вселенска станица носи робот со големина на човек, пренесува Би-би си.
Леталото е лансирано од космодромот во Бајконур во Казахстан и би требало на станицата да стигне во сабота.
Роботот Федор е првиот руски робот во вселената. Висок е 180 см и тежок 160 килограми.
„За 10 дена на Меѓународната вселенска станица Федор ќе научи нови вештини како што се спојување на електрични кабли, користење на шрафцигери и клучеви, користење на апарати за гаснење пожар“, рекол Александар Блошенко од руската вселенска агенција.
Се очекува со тек на време Федор да извршува и поопасни задачи, како на пример шетање низ вселената.
Тој не е првиот робот испратен во вселената. Америка пратила робот во 2011 година, а Јапонија во 2013 година.