Прв ривал на младинките на ЕХФ шампионатот е Босна и Херцеговина
Денеска во Скопје македонската женска младинска репрезентација го започнува својот настап на У19 ЕХФ шампионатот кој ќе се одржи во нашиот главен град од 10-18 јули 2021 година.
Во рамките од групата „Б“ нашите ракометарки ќе се соочат со селекцијата на Босна и Херцеговина со почеток од 20.30 часот.
Составот на Македонија за денешниот прв меч: Ј. Трајкоска, С. Софтоска, И. Џатевска, А. Коловска, М. Јовановска, Т. Дукоска, И. Арсениевска, А. Јанкуловска, А. Костовиќ, М. Пешиќ, А. М. Коларовска, С. Миновска, Е. Ризоска, И. Младеновска, К. Дамјаноска, Е. Кирова. Селектор: Љубомир Савевски.
Во истата група се наоѓаат и селекциите на Холандија, Фарски Острови и Косово.
Првопласираните две селекции ќе се пласираат во плеј-офот, а истото важи и за групата „А“ каде што веќе се одигра еден дуел, Белорусија со 23:22 триумфираше над Исланд.
Во вториот меч од стартната рунда Финска за ривал ја има репрезентацијата на Полска.