Прв пораз на ФИФА и нејзината идеја за Светско првенство на секои две години
Светската фудбалска федерација (ФИФА) го започна лобирањето за идејата Светстките првенства да се играат на две наместо на четири години, и веќе го доживеа првиот голем удар.
Уште од презентирањето на идејата, ФИФА наиде на огромен револт и негодување кај УЕФА која не сака промени во календарот, а на ваквата идека се противи и втората најмоќна конфередерација, Конмебол (Фудбалска федерација на Јужна Америка).
Денеска ФИФА доживеа уште еден удар, на страна на УЕФА застана и Европската комисија која соопшти дека Европа е центарот на фудбалот и дека мора да се зачува сегашниот модел со Европски и Светски првенства на секои четири години, модел кој исто така ги почитува интересите на навивачите и на фудбалерите, и не ги става во преден план комерцијалните интереси.
ФИФА за идејата која ја покрена фудбалската федерација на Саудиска Арабија, доби поддрша од фудбалските федерации на Азија и на Африка, а најголем загорник на идејата Мундијалите да се играат на секои две години е поранешниот менаџер на Арсенал, Арсен Венгер.