Прв афро-американски сенатор во Џорџија: Демократот Рафаел Ворнок прогласи победа над републиканката Лефлер

Фото: EPA-EFE/ERIK S. LESSER

Демократот Рафаел Ворнок прогласи победа над својата републиканска противкандидатка Кели Лефлер во трката за едно од двете места во Сенатот на изборите во сојузната држава Џорџија, јавија телевизиите „Си-Ен-Ен“, „Си-Би-Ес“ и „Ен-Би-Си“.

Како што пренесуваат странските медиуми, Ворнок стана првиот афро-американски сенатор избран во Џорџија и оваа победа им дава шанса на демократите да ја преземат контролата врз Сенатот на почетокот на мандатот на новоизбраниот претседател Џо Бајден.

Демократите мора да ги освојат двете места во изборната трка во Сенатот за да имаат мнозинство. Сепак, сè уште е рано да се прогласи победник во трката меѓу демократот Џон Ософ и републиканецот Дејвид Пердју.

Во изборната трка за две места во Сенатот, која ќе одлучи кој ќе го контролира тоа тело, учествуваа по двајца демократи и републиканци: Ворнок и Лефлер од една страна, и Ософ и Пердју од друга.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот