Комитетот за Нобелова награда му одговори на „Здружението на жртвите од геноцид во БиХ“, кој протестираше против доделувањето на Нобелова награда на австрискиот книжевник Петер Хандке.

Комитетот за Нобелова награда во одговорот наведе дека ги прифаќа пресудите на Меѓународниот кривичен суд за поранешна Југославија, но дека имаат различни ставови по прашањето за книжевната работа на Петер Хандке, пренсе „Фена“.

Претседателот на „Здружението на сведоци и жртви на геноцид“ Мурат Тахировиќ смета дека од писмото е видливо дека Комитетот ќе остане до ставот за Нобеловата награда на Хандке, кој негира дека во Босна и Херцеговина е извршен геноцид.

Тој за „Фена“ истакна дека не очекувал одговор од Комитетот, но најави дека ќе бидат истрајни во борбата за одземање на наградата.

„Здружението на жртви и сведоци на геноцид“ и движењето „Мајки од енклавата на Сребреница и Жепа“ на 5 ноември во Сараево огранизираа мирен собир пред амбасадата на Шведска, поради одлуката за доделување на Нобелова награда на Петер Хандке.

Нов протест е најавен за утре.