Неколку десетици илјади луѓе се собраа денеска во Берлин на протест против екстремната десница, која не ја сакаат на власт, а протестот се одржа една недела пред предвремените парламентарни избори во Германија.

Полицијата соопшти дека имало околу 30.000 луѓе, додека организаторите велат дека бројката е 38.000 собрани против екстремно десничарската партија Алтернатива за Германија (АФД).

Сличен митинг се одржа и на 8 февруари во Минхен, на кој присуствуваа 250.000 луѓе, а на 2 февруари во главниот град на Германија имаше меѓу 160.000 и 250.000 луѓе.

Слоганот на денешниот митинг во Берлин беше „Рака под рака, ние сме заштитен (санитарен) ѕид“.

Терминот „кордон санитар“ се користи од традиционалните партии во Германија уште од Втората светска војна за да се отфрли каква било соработка на национално ниво со екстремно десничарските движења.

Во Берлин, многу демонстранти се загрижени дека партијата АфД ќе стане втора по големина во Германија по парламентарните избори на 23 февруари, а според последните анкети, таа ќе освои 20 до 21 отсто од гласовите, зад конзервативната опозиција, која е заслужна за 30 до 32 отсто од гласовите.