ВИДЕО | Протест на угостители и музичари во Скопје: Помошта што ја добиваме е недоволна, бараме посебен сет за нас и дозвола за работа
Угостители, музичари и сопственици на фото-студија денеска повторно излегоа на протест во Скопје во знак на незадоволство од петтиот владин пакет на анти-кризни мерки за кој испорачаа низа забелешки.
– Сакаме да изразиме незадоволство од петтиот пакет мерки. Ние имаме забрана за дејност. Од наши средства даваме плати и бараме да се укине член 14 од уредбата со која се забранува организирање на прослави на затворено и на отворено. Ние сме единствена земја од регионот што не доби протокол за работа. Бараме да се направи пакет мерки само за нас. Сакаме посебни пакет мерки за рестораните за свадби и ноќните клубови и затоа што сме субјекти кои се 100 посто погодени од ковид пандемијата. Ние сме единствените субјекти на кои им е забранета примарната дејност од првиот ден на пандемијата и покрај сите дописи и состаноци со Владата не наидовме на слух од другата страна. Помошта што ја добивме не е доволна. Во прва фаза не бараме да ни се дозволи да организираме традиционална македонска свадба, туку да работиме како а ла карт рестораните. Дали е доволно да добиеме помош од 10.000 евра, а имаме ресторани од 1.000 квадрати, прашува Перица Голомеиќ сопственик на ресторанот „Рагуза“.
Продолжение на протестот ќе има и во понеделник во исто време и на иста локација во главниот град.