Протекоа резултатите од гласањето: Левандовски ќе ја освои Златната топка пред Меси, Роналдо е дури деветти?

Роберт Левандовски беше прогласен за најдобар фудбалер за 2020 година во изборот на ФИФА/фото: EPA-EFE/ALEXANDER HASSENSTEIN

Во јавноста се појави список со 30 имиња кои се кандидати за наградата Златна топка на според кој напаѓачот на Баерн Минхен, Роберт Левандовски освои највеќе гласови.

Доколку оваа информација се покаже како вистинита, Левандовски за прв пат би ја освоил престижната награда пред Лионел Меси и Карим Бензема.
Според „Мундо Депортиво“, Левандовски добил 627 гласови.


Меѓу најдобрите пет фудбалери покрај Левандовски, Меси и Бензема се наоѓаат уште и Мохамед Салах од Ливерпул и Жоргињо од Челси кој летово со „сините“ триумфира во Лигата на шампионите, додека со репрезентацијата на Италија победи на Европското првенство.

Интересно е што Кристијано Роналдо кој летово се врати во Манчестер јунајтед заврши дури на деветтото место, а пред него се наоѓаат Килијан Мбапе, Нголо Канте, Ерлинг Халанд, додека Кевин де Брујне е десетти.

Добитникот на Златната топка официјално ќе биде прогласен за нешто повеќе од еден месец, поточно на 29. ноември.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот