Прослава во Книн: Без „Олуја“ немаше да ја има денешна Хрватска
Во Книн се одржува централна прослава за одбележување на 24.годишнината од воено-полициската акција „Олуја“.
Хрватска, акцијата „Олуја“ ја одбележува како Ден на победата и Ден на бранителите.
Претседателката Колинда Китаровиќ и премиерот Андреј Пленковиќ во своите говори, акцијата „Олуја“ ја категоризираа како акција која имала за цел „ослободување од големиот српски агресор“.
Пленковиќ истакна и дека оваа акција била пресудна за формирањето на денешна Хрватска.
Во Србија, пак денот се одбележува како ден на тага поради 250.000 прогонети и над 1.800 убиени и исчезнати.
Овој егзодус на Србите, според толкувањата на српските аналитичари, е еден од многуте кои ги извршиле припадниците на хрватската војска над српските цивили, а кој остана неказнет од страна на меѓународната заедница.