Просечната плата во Хрватска во февруари изнесува 930 евра

евра
Евра / Фото: EPA-EFE/STEPHANIE LECOCQ

Во споредба со јануари 2021 година, просечната февруарска нето-плата е реално поголема за 0,5 проценти.

Просечната нето-плата по вработен исплатена во Хрватска во февруари годинава изнесува 7.038 куни (929 евра), што на годишно ниво е реално повеќе за 3,4 проценти, покажуваат податоците што денеска ги објави Државниот завод за статистика (ДЗС).

Во споредба со јануари 2021 година, просечната февруарска нето-плата е реално поголема за 0,5 проценти.

Најголемата месечна нето-заработка е исплатена на вработени во фармацевтската индустрија – 18.989 куни (2.507 евра), а најниска од 4.277 куни (приближно 565 евра) на вработени во сегментот за заштита и истражувачка дејност, јави Хина.

Според Заводот за статистика, просечната месечна бруто-плата за февруари изнесувала 9.467 куни (1.250 евра), што е реално за 0,7 проценти повеќе отколку во јануари. Во споредба со февруари 2020 година, просечната бруто-плата по вработен е реално поголема за 1,7 проценти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот