Просечната плата во Црна Гора и натаму расте, надмина 700 евра
Просечната нето-плата во Црна Гора во декември, според податоците на Управата за статистика (МОНСТАТ), изнесувала 727 евра.
Износот на просечната плата бил за 0,8 отсто поголем во однос на ноември.
Просечната бруто плата во последниот месец изнесувала 900 евра.
Во однос на ноември, просечната нето заработка во декември е зголемена во секторите Снабдување со електрична енергија, гас, пареа и климатизација за 3,8 отсто, државната управа и одбраната за 2,4 отсто и услугите за сместување и храна за 2,2 отсто.
Пад на просечната нето заработка во декември во однос на ноември е забележан во секторите рударство и ископување камен за 2,8 отсто, преработувачката индустрија и административните и помошните услужни дејности за по 1,7 отсто.