Просечната плата достигнала 28.540 денари, велат од Владата

Забележан раст на исплатената нето-плата по вработен, односно во јули годинава истата изнесува 28.540 денари и е за 4,8% поголема во однос на истиот месец од претходната година, соопшти денеска Владата.

„Континуираниот раст на платите е резултат на економските мерки и политики што ги спроведува Владата за раст на просечната и на минималната плата. Владата останува посветена кон реализација на стапките на економски раст од 4-5% и на покачување на платите за 20% до 30%, сѐ со цел подобрување на стандардот на граѓаните и економијата во земјата“, се вели во владиното соопштение.

Покрај растот на просечната плата, забележан е и раст на извозот, рекордна економска активност во индустриските зони и историски пад на невработеноста, се пофалија од „Илинденска“.