3 C
Скопје

ПРОПУСТ: Пливачот Суботиќ е државен шампион, а изоставен од доделувањето стипендија!

Александра Суботиќ, родителот на ученикот од ОУ „Коле Неделковски“, Емил Суботиќ, поднесе приговор за доделувањето на стипендиите за талентирани спортисти од општинските основни училишта на подрачјето на општина Центар.

Овој приговор е испратен до Градоначалникот на Општина Центар, С. Богдановиќ, Комисијата за образование, Млади и Спорт.

Таа лично го информира градоначалникот да знае што се случува, биде запознаен за начинот на доделувањето на стипендии за талентирани спортисти од општинските основни училишта на подрачјето на Општина Центар и од кој се надева дека правилно ќе постапи, се разбира за доброто на децата од Општина Центар.

– Го поднесувам овој приговор со цел да го уважите, а се однесува на доделувањето на стипендии за талентирани спортисти од општинските основни училишта на подрачјето на Општина Центар. Сметам дека е направен „ненамерен“ пропуст од комисијата во процедурата за доделување на стипендија. Имено ученикот Емил Суботиќ на зимското државно првенство одржано во декември 2019 година стана Државен првак на Р С. Македонија во пливање категоријата помлади пионери 50м делфин и вице првак во истата категорија на 100м делфин и 50м краул како што се бараше во огласот објавен од Општина Центар.

Прочитајте и...  ВИДЕО: Поради неспортскиот потег Меси суспендиран на два меча!

Со оглед на тоа што ученикот Емил Суботиќ е одличен ученик (5.00), дете на самохран родител, и со самиот фактот што постигнува вакви спортски резултати, сметам дека неправилно е изоставен од доделувањето стипендија, што според постигнатите резултати секако ја заслужува. Демотивирачки и поразувачки за дете на таа возраст.

Уште попоразувачки и подемотивирачки е фактот што неговиот доскорешен клупски пливач, чии што резултати се далеку под резултатите на Емил Суботиќ (на сите натпревари кои според огласот на општината се бодуваат), ИМА добиено стипендија. Стипендијата ја добил врз основа на документи (дипломи) кои не се од ниедно Европско, Балканско ниту пак Државно првенство како што беше наведено во огласот (знам бидејќи кога реагирав ми ги доставија на увид). Тоа се документи т.е дипломи за освоени места од „купови“ во маратонско пливање.

Прочитајте и...  Брестовац: Победата над Чиле може да биде позитивен знак

Ваквиот начин на бодување не содејствува со она што се бара во огласот (Европско, Балканско или Државно ПРВЕНСТВО). Тој факт ме наведува да помислам дека се работи за чиста манипулација! ПРВЕНСТВО, а не КУПОВИ! ДРЖАВНО ПРВЕНСТВО НЕ СЕ ОДРЖУВА СЕКОЈ МЕСЕЦ!!!

Доколку на сите ученици кои имаат конкурирано врз основа на такви документи им се доделени стипендии, на штета на ВИСТИНСКИТЕ спортисти (како што е во случајот со Емил Суботиќ) сметам дека, коректно би било да ГО ПОНИШТИТЕ огласот за доделување стипендии, па потоа повторно го објавите (но, детално, КАКВИ ДИПЛОМИ ЌЕ УВАЖУВАТЕ?, од Државни – Национални првенства или од купови кои се организираат за да може секој РАМНОПРАВНО со „такви дипломи“ да конкурира.
Во надеж дека овој приговор ќе го уважите и ќе ја ревидирате вашата одлука топло Ве поздравувам! – стои во приговорот на Александра Суботиќ.

Прочитајте и...  Рубин Хебај е првото зимско засилување на Шкендија

Поврзани вести

Летните Олимписки игри нема да се одржат ни во 2021 година!?

Слободен печат

Благотиншек: Имавме големи проблеми во минатото со Македонците!

Слободен печат

ВИДЕО: Поради неспортскиот потег Меси суспендиран на два меча!

Слободен печат

Рубин Хебај е првото зимско засилување на Шкендија

Слободен печат

Котески е наследникот на Бошковски на клупата на КЛ7

Слободен печат

Брестовац: Победата над Чиле може да биде позитивен знак

Слободен печат

Остави Коментар