Пропаднаа преговорите, Фетел си заминува од Ферари
Германскиот возач Себастијан Фетел ќе го напушти Ферари на крајот од годината откако не беше постигнат договорот, а фаворит за негов наследник е Карлос Саинс.
Договорот на Фетел со италијанскиот тим истекува на крајот од сезоната, а преговорите за потпишување на нов пропаднаа уште на стартот.
Причините за тоа засега не се познати, но се наведува дека 32-годишниот Германец не бил задоволен од понудената плата и пократкиот договор.
Четирикратниот Ф1 шампион во Ферари пристигна во 2015 година од Ред Бул, но со италијанскиот тим не успеа да ги повтори успесите кои ги имаше со Ред Бул. Најблиску до освојување на титулата беше во 2017 и 2018 година кога завршуваше на второто место.
Неговото заминување од Ферари ќе донесе големи промени и во останатите екипи во Ф1 шампионатот, како негов наследник се споменува Карлос Саинс од Мекларен.
Доколку се реализира овојтрансфер тогаш местото на Саинс во Мекларен ќе го зазеде Даниел Рикиардо од Рено, додека за Фетел се споменуваат само две опции, Мекларен или враќање во Ред Бул.