Потенцијалниот купувач и актуениот сопственик на Њукаксл, Мајк Ешли, експресно се договорија, но проблемите настанаа околу техничките работи.

Голем број на организации во Велика Британија, како спортски така и политички беа против продажбата на Њукасл како од политички причини поради обвинувањата за загрозување на човековите права во Саудиска Арабија, но и за наводната вмешаност во пиратерија и нелегално пренесување на натпреварите од Премиер лигата.

По истекот на рокот за завршување на трансакцијата, саудискиот престолонаследник се откажа од преземање на Њукасл.

„ Со длабок респект кон организацијата на Њукасл, навивачите, на крајот одлучивме да се повлечеме од купување на фудбалскиот тим. Со големо жалење го објавуваме ова бидејќи бевме заинтересирани да инвестираме и во клубот и во градот и верувавме дека ќе можеме да ја смениме историјата на клубот со голема традиција и фантастични навивачи. На крајот, поради долготрајниот процес, комерцијалниот договор помеѓу инвестицискиот фонд и актуелниот сопственик на Њукасл истече и нашиот план за преземање на клубот не се оствари“, стои во соопштението на инвестицискиот фонд на Саудиска Арабија.

Оваа одлука ќе предизвика големо разочарување кај навивачите на Њукасл бидејќи во изминатите месеци се шпекулираше со купување на фудбалски ѕвезди како Герет Бејл, Фелипе Кутињо па дури и Кристијано Роналдо.