Овен

Овните се динамични и креативни, а покрај тоа, тие обично се и вистински гурмани. Готвењето звучи како идеално хоби за вас, а и време е да ги усовршите вашите кулинарски вештини така што ќе пробате нови рецепти. На тој начин, ќе го усреќите целото семејство.

Бик

Иако сакаат да бидат дома повеќе од останатите хороскопски знаци, Биковите сакаат да поминат еден дел од денот активно пред да се приберат дома. Ако изолацијата ви го наруши секојдневниот ритам, време е да се вратите на старите навики. Наместо да плачете за затворената теретана со ќесичка чипс во рацете, најдете видеа за вежбање на Интернет и започнете веднаш.

Близнаци

На љубопитните Близнаци им е многу здодевно дома, па за нив, добрата книга е идеално бегство од реалноста. Дури и ако не сте љубители на книги, дајте им шанса, па можеби ќе се изненадите кога ќе откриете колку може да ве усреќат.

Рак

Иако се многу креативни по природа, Раковите обично немаат време да ги реализираат своите идеи за уредување на домот. Сега конечно имате доволно време за да ги реализирате тие идеи. Преуредете барем една просторија или еден агол во домот, а освен што ќе го скратите времето поминато во изолација, ќе бидете и горди на вашите дела.

Лав

Вам ви е потребен издувен вентил преку кој ќе можете да им ги кажете своите ставови и мислења на другите, сега кога нема гужва околу вас. На овој начин можете да станете познати, а сите знаат дека Лавовите сакаат да бидат во центарот на вниманието.

Девица

Практичните и организирани Девици не сакаат да го трошат времето залудно. Затоа, идеалното хоби за вас додека сте во изолација е учењето нов странски јазик што сигурно ќе ви послужи во животот и ќе можете да го додадете во вашето CV.

Вага

Вагата обожава убави работи, а особено убава гардероба. Проблемот е во тоа што тие често замислуваат нешто што не можат да го најдат во продавница или се вљубуваат во некое дизајнерско парче што не можат да си го дозволат. Затоа, идеалното хоби за вас е шиењето. Освен што ќе бидете многу добри во тоа, затоа што обично сте вешти со рацете, кога ќе научите да шиете, ќе можете самите да ги шиете креациите за коишто сте сонувале.

Скорпија

На Скорпиите им е многу тешко да бидат затворени во четири ѕида и постојано бараат изговор за да излезат од дома. Совршен и долготраен изговор е одгледувањето растенија во градината. Меѓутоа, ако немате доволно среќа да имате двор, можете да засадите цвеќиња или растенија на балконот (па дури и внатре во станот) за кои ќе треба да се грижите и така ќе бидете зафатени сè додека не заврши сето ова.

Стрелец

Стрелците се секогаш желни за нови авантури, а особено се љубители на патувањата во непознатото. Со оглед на тоа што во моментот тоа не е изводливо, ќе ве утешат документарците за интересни локации во светот, а сигурно ќе ве забавуваат и блоговите за патувања.

Јарец

Отсекогаш сте сонувале да напишете книга? Сега сигурно имате инспирација, а за почеток, можете да водите дневник кој, дури и ако никогаш не го претворите во книга, ќе ви помогне барем да го ослободите мозокот од многуте мисли.

Водолија

Водолиите сакаат да изгледаат убаво, па ако досега немавте време за правење фризури и за експериментирање со шминката, сега е вистинското време да пробате сè што сакате. Покрај тоа, ќе ги усовршите вештините за шминкање и за средување на косата, така што во иднина ќе се подготвувате многу побрзо.

Риби

Припадниците на овој хороскопски знак уживаат во музиката повеќе од другите и честопати се надарени, па знаат да свират барем на еден инструмент. Ако сè уште не сте го откриле тој скриен талент, време е да го пронајдете.