Пронајдени дрога и оружје кај скопјанец – Слободен печат
Хроника

Пронајдени дрога и оружје кај скопјанец

Врз основа на доказите од МВР, судија на претходна постапка на Б.К. му одредил притвор.

Поицијата поднесе кривична пријава до Основно јавно обвинителство против Б.К.(30) од Скопје кој е осомнилен за кривични дела „недозволено изработување, држење и тргување со оружје или распрскувачки материи“ и „неовластено производство и пуштање во промет наркотични дроги, психотропни супстанции и прекурзори“.

Според МВР вчера од полициска патрола на булеварот „Крсте Мисирков“ во близина на трговскиот центар „Мавровка“ било сопрено патничко возило управувано од Ф.Г., а како совозач бил Б.К. кај кого при преглед е пронајдена марихуана. Дента по издадена судска наредба од Кривичен суд Скопје полициски службеници извршиле претрес во неговиот дом и пронашле пиштол марка „Берета“, револвер со натпис „ZBrno“ модел Grand, шест куршуми кратко зрно, 15 куршуми засега непозната марка и калибар, 322 куршуми долго зрно и марихуана.

Врз основа на доказите од МВР, судија на претходна постапка на Б.К. му одредил притвор.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close