Пронајден најстариот бисер на светот: 10.000 години неолитски луксуз – Слободен печат
ЗабаваМагазин

Пронајден најстариот бисер на светот: 10.000 години неолитски луксуз

Стручњаците од Емиратите веруваат дека со бисерите се тргувало со патниците од областа Месопотамија и древниот Ирак во замена за керамика и друга роба.

Надлежното министерство на ОАЕ најави дека на претстојната изложба во Абу Даби ќе биде претставен бисер стар 8.000 години, за кого археолозите тврдат дека е најстариот на светот.

Бисерот е пронајден во текот на археолошките истражувања на островот Маравах во престолнината.

„После анализата со радиоактивен јаглерод утврено е дека слоевите на бисерот настанале помеѓу 5.800 и 5.600 година п.н.е.“, рекол претседателот на Одделението за култура и туризам на Абу Даби, Мухамед ал-Муабарак.

„Бисерите првпат ќе бидат прикажани на изложбата 10.000 години луксуз“, која ќе биде отворена на 30 октомври во Лувр Абу Даби“.

Стручњаците од Емиратите веруваат дека со бисерите се тргувало со патниците од областа Месопотамија и древниот Ирак во замена за керамика и друга роба. Веројатно е дека и тогаш бисерите биле носени како накит.

„Венецијанскиот трговец со скапоцени камења, Гаспаро Балби, кој патувал низ овие краишта, ги спомнува островите покрај брегот на Абу Даби како извор на бисери во 16 век“, се наведува во одделението за култура.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close