Промени во „дрим тимот“, списокот скратен на 17 имиња (ВИДЕО)
На СП во Кина Американците се во група со селекциите на Турција, Чешка и Јапонија. Синоќа одиграа меч меѓу себе, „сините“ славеа против „белите“ со 97:78, а се истакна новиот тандем на Бостон, Тејтум кој уфрли 17 поени, три помалку додаде Кемба Вокер.
Нови промени се случија во репрезентацијата, од списокот отпаднаа Бем Адебајо (Мајами) и Тадеус Јанг (Чикаго), а шанса добија Дерик Вајт од Сан Антонио и Марвин Бегли од Сакраменто.
Кингси имаат тројца претставници, би можеле сите да бидат на СП, особено поради тоа што Д`Ерон Фокс одушеви во досегашниот тек од подготовките, на споменатиот меч забележа 12 поени за „белите“.
Сега вака изгледа списокот на „дрим тимот“ пред патувањето за Кина, а Мундобаскет ќе стартува на 31 август:
Харисон Барнс (Сакраменто), Марвин Бегли (Сакраменто), Џејлин Браун (Бостон), Д’Ерон Фокс (Сакраменто), Џо Херис (Бруклин), Кајл Кузма (Лејкерс), Брук Лопез (Милвоки), Кајл Лаури (Торонто) , Крис Мидлтон (Милвоки), Донован Мичел (Јута), Мејсон Пламли (Денвер), Маркус Смарт (Бостон), Џејсон Тејтум (Бостон), Пи Џеј Такер (Хјустон), Мајлс Тарнер (Индијана), Кемба Вокер (Бостон) и Дерик Вајт (Сан Антонио).