НБА лигата денеска го објави новиот ранкинг во борбата за МВП признанието во сезоната и на најновата листа има промена на првото место.

Никола Јокиќ повеќе не е на врвот и тоа место сега му припаѓа на ѕвездата на Оклахома, Шеј Гилџес-Александер кој сезонава игра во фантастична форма.

Сепак не треба да се заборави дека Јокиќ и покрај тоа што го загуби фаворитското место статистички е подобар од Канаѓанеот. Српскиот кошаркар има просек од 31.5 поени, 13 скока и 9.7 асистенции по натпревар, додека Гилџес-Александер е на 31.3 поени, 6.1 асистенции и 2 украдени топки.

Причина за промената веројатно е што Оклахома е лидер на Западната конференција, а Денвер на Јокиќ во овој момент е четврти и има дури девет победи помалку.