Ракометарите на Охрид во супер неизвесна завршница успеаја да го совлдаат Металург со 27:26 во плеј-офот во Суперлигата и оствари значајна победа во битката за позициите кои носат пласман во европските купови.

Првото полувреме им припадна на ракометарите на Охрид (15:12), но во вториот дел тимот од Автокоманда успеа да се врати во игра и на 10 минути до крајот водеше имаше предност од три гола (22:25).  Сепак, домаќините во последните минути прво успеаја да ја анулираат предноста, а со голот на Денис Тот на шест секунди до крајот да дојдат до триумф од 27:26.
Токму Тот шест гола беше и најефикасен во редовите на Охрид каде се истакнаа и Андоноски и Блажевски, додека кај Металург Хорват, Додиќ и Поповиќ постигнаа по шест гола.

Екипата на Е. Пелистер без многу мака го совлада Пролет и тоа со 26:17. Битолчани работата ја завршија уште во првото полувреме кое го решија во своја корист со 12:6 по што рутински го одработија второто полувреме.
Кушан и Мандалиниќ беа најпрецизни кај Е. Пелистер со по пет постигнати голови, додека Аларов со пет и Андоновски со четири се истакнаа кај Пролет.

ФОТО: РК Охрид