Принцот Хари пред венчавката со Меган Маркл имал разни љубови и врски. Меѓутоа најголемо внимание привлече неговата врска со британската манекенка и актерка Кресида Бонас. Тој со неа беше три години во врска, но во 2014 година тие одлучија да раскинат.

Кресида не се огласуваше премногу во медиумите, а сега за „The Daily Telegraph” проговори за деталите од врската и откри дека во текот на целата врска била во страв.

– Страв од тоа дека ќе погрешам, дека ќе ме одбијат, дека нешто нема добро да направам, дека нема да бидам совршена… Мислам дека сето тоа ме потиштуваше и уништуваше во одредени делови од животот, раскажа искрено Кресида, а потоа додаде дека целата таа ситуација всушност ја зајакнала.

– Мисам дека после се зајакнав како личност и самата на себе си ги објаснив работите во главата за тоа како и што сакам во животот. Исто така, таа врска ме поттикна и повеќе да работам на себе и остварувањето на целите, како и да ги поместувам сопствените граници бидејќи не сакам да сум под ничија контрола на било кој начин, објасни таа.