Професорка од ДУТ се заканувала поради коментари на Фејсбук, студентите протестираа

ДУТ

Студентите од Факултетот за уметности при Државниоот универзитетот во Тетово денеска одржаа протест – реагираат на наводните закани што професорка ги упатила кон студент. Бараат професорката да сноси одговорност, посочувајќи дека го прекршила членот 320 од Статутот на Универзитетот, пишува порталот Љајме.

-Има многу генерации што го преживеале истото со уцени и закани од страна на професорката Бесијана Мемеди. Ние решивме да не трпиме повеќе и да реагираме. Затоа бараме од Универзитетот во Тетово денеска да преземе адекватни мерки кон професорката заради нејзиното нееетичко однесување. Закани, психична тортура и насилство, систематски булизам се редовни на секое предавање. На последното предавање се закани дека ќе фати студент за врат затоа што реагирал на статус на Фејсбук, изјави Арди Лена од групата на студенти.

Деканот на Факултетот за уметности, Нафи Јашари, вели дека за случајот е поведена соодветна постапка.

-Имаме реакција на студенти кои бараат и не се задоволни од однесување на професорка. Овој случај е во дисциплинската комисија која досега ги слушнала и едната и другата страна и во понеделник ќе се донесе одлука, изјави Јашари.

Студентите рекоа дека во изминатите недели ја бојкотирале наставата кај професорката.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот