Проф. Трајковски: Епидемијата во Македонија постепено се ближи кон својот крај

Дејан Трајковски /Фото: Архива на Слободен печат

Колку и да изгледа неочекувано, трендот на забавување на епидемијата, првпат забележан уште минатиот петок, продолжува неделава. Ефективниот репродукциски број Rt е помал од единица во сите временски рамки, од седудневна до 20-дневна. Rt со седумдневно усреднување (на дијаграмот на првата слика) не слегува многу под единица, но ниту искачува многу над неа во есенскиот дел од четвртиот бран, пишува аналитичарот и професор по теоретска механика, Дејан Трајковски.

– Забележуваме два врва на преносливоста, пред првиот круг на локалните избори и после отворањето на диско и ноќните клубови, но штетата од нив беше прилично ограничена, дносно амортизирана (придушена). Разни групи граѓани се заразиле од тие настани, но бргу се воспоставила некаква нова рамнотежа. Просто е неверојатно ако толку лесно куртулиме од есенскиот бран. Но, истото се забележува и во БиХ, со која споделуваме речиси идентина епидемиолошка крива, освен што таму немаше летен дел од бранот, предизвикан од свадби како кај нас. Во сите балкански земји есенскиот врв е достигнат и бројките веќе се намалуваат, пишува тој.

Тој оценува дека епидемијата во нашата држава простепно се ближи кон својот крај, односно на пат е да премине во ендемија – случајни заразувања, со сезонски и не многу големи бранови на заразување.

– Така би се влечеле можеби со години, додека постепено сите не прележиме, со тоа што вакцинираните би поминувале полесно. Реинфекциите ќе станат нормална појава, слично како на сезонскиот грип, а ковид-19 повеќе нема да биде медиумска вест, констатира тој.

Видео на денот