Продуцентот на Бијонсе и Лил Вејн уапсен за 15 сексуални напади (ВИДЕО)
Музичкиот продуцент и добитник на Греми, Дитејл, во средата бил уапсен поради низа наводни сексуални напади, велат од полицијата на Лос Анџелес.
Кауцијата да се брани од слобода изнесува 6,3 милиони долари, а обвинет е за 15 сексуални напади, кои наводно се случиле во периодот помеѓу 2010 и 2018 година.
Минатата година една манекенка и пејачка, кога го обвинила Дитејл за силување и злоставување, победила во парницата против него и добила 15 милиони долари.
Продуцентот Дитејл, чие вистинско име е Ноел Кристофер Фишер, продуцирал многу хитови за Бијонсе и за раперот Лил Вејн, а за песната „Drunk In Love“ на Бијонсе освоиле Греми за најдобра ар-ен-би песна и најдобра ар-ен-би изведба на сцената за 2015 година.