Продолжува „војната“ МКФ – Работнички, суспендирана салата во Градски Парк – Слободен печат
КошаркаСпорт

Продолжува „војната“ МКФ – Работнички, суспендирана салата во Градски Парк

Македонската кошаркарска федерација денеска одговори на заканите на Работнички дека ќе покрене судска постапка доколку не се почитуваат актите на МКФ, и не се суспендираат екипите должници пред стартот на Суперлигата.

МКФ објави дека ја суспендира салата во Градски парк бидејќи не ги исполнува потребните  стандарди за организација на мечевите од вториот степен на натпреварување, Суперлигата.  Токму последните „искри“ кои настанаа на релација Работнички – МКФ се причина в среда да се одржи итен состанок на Здружението на прволигаши.

На средбата на клубовите ќе биде присутен и претседателот на МКФ, Петар Наумоски со желба да се разреши ситуацијата пред стартот на Суперлигата.
Работнички во првото коло од Суперлигата во четврток му е домаќин на Кожув.
Освен салата во Градски парк, суспендирана е и малата сала во СРЦ Кале.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close