Полицијата го пронајде телото на внуката на покојниот Роберт Ф. Кенеди, Мејв Кенеди Таунсенд Мекин (40), а сѐ уште се трага по нејзиниот осумгодишен син.

Тие исчезнаа во петокот откако отпловија во заливот Чесапик со кану. Близу местото каде што е пронајдено нејзиното тело, полицијата го забележа и кануто.

Телото е пронајдено по повеќе од 26 часа потрага на длабочина од околу 8 метри, околу 4 километри јужно од куќата на мајката во Шејди Сајд во Мериленд, од каде тргнале со кануто.

По детето сѐ уште се трага.

Њујорк пост пренесува дека Мејв и нејзиниот син играле топка која потоа паднала во вода па тргнале со кануто по неа. Отишле предалеку и не можеле да се вратат, рече сопругот на Мејв, Дејвид Мекин.

Мејв работела како советничка во администрацијата на поранешниот претседател на САД Барак Обама и тоа за глобалната програма против Сида и волонтирала за мировните сили во Мозамбик. Имала 40 години.

Нејзиниот дедо, Роберт Франсис Кенеди, беше политичар и правник, брат на поранешниот американски претседател Џон Ф. Кенеди, за време на чиј мандат беше министер за правда. Како и братот Џон, и Роберт и убиен во атентат.