Продавниците во Северна Митровица остануваат под клуч, каква е реакцијата на граѓаните? – Слободен печат
ВестиРегион

Продавниците во Северна Митровица остануваат под клуч, каква е реакцијата на граѓаните?

Граѓаните со кои разговарал српскиот медиум „N1“, а пренесува „Gazeta Express“, изјавиле дека се разочарани од создадената ситуација.

Центарот на Северна Митровица вчера бил празен. Причината за тоа е бојкот од страна на продавниците и хотелските објекти поради, како што се пренесува, „таксите кои косовската влада ги ставила за српските производи пред осум месеци“.

Граѓаните со кои разговарал српскиот медиум „N1“, а пренесува „Gazeta Express“, изјавиле дека се разочарани од создадената ситуација.

„Вчера купив три леба. До кога ќе трае, ќе видиме. Ние сме четворица, се надевам дека ќе трае само денеска и утре“.

„Квалитетот на нивната стока никогаш не би го земал. Никогаш“, вели друг граѓанин за стоките што се продаваат во јужна Митровица.

„Едноставно, нашиот производ е наш производ. На пример, на еден пријател му се разболело детето ноќе, не можел да купува бруфен за детето“.

„Принудени сме, што да правиме. Немаме избор, тука живееме. Жал ми е за децата“.

Одлуката за започнување на бојкот се оправдува со недостаток на српски производи. Во Здружението на бизнисмените од северот се надеваат на реакциите на Белград и на меѓународната заедница.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close