Проблеми за Клоп, Ливерпул без Хендерсон до крајот на сезоната!?
Кога се чини дека не може полошо од моменталната ситуација, уште еден фудбалер на Ливерпул се здоби со повреда.
На ред дојде Џордан Хендерсон, капитенот кој оваа сезона игра како дефанзивец поради повредите на Виржил ван Дајк, Гомез, Фабињо и Матип, мораше да го напушти Мерсисајд дербито пред неколку дена.
Официјалните резултати пристигнаа денеска, според предвидувањата 30-годишниот играч ќе мора да паузира еден месец, но и се шпекулира дека би можел да го пропушти остатокот од сезоната.
Нема да биде подготвен за реваншот од Лигата на шампионите против Лајпциг, кој е закажан за 10 март.
Играчот за врска се очекува да се врати на теренот по репрезентативната пауза, а „црвените“ се надеваат дека ќе биде подготвен за пресметката со Арсенал на 3 април.
Пред тоа ќе ги пропушти и натпреварите со Шефилд, Челси, Фулам и Вулверхемптон.